السلام عليكم

جبت لكم قصيده عن واحد يتيم.!! تقطع القلب والله )



***************



كثير من البشر يسأل عن أسباب الحـزن فينـي!

وكثير من البشر وده يعرف بدنيتــــي وش صـار!


وعلام اللي يقابلني يشوف الدمـع فـي عينـي!
وانا توي صغير السن حزيـن و شـارد و منــهـار!


انا بحكي بقول الحين عن اللي صار فـي سنينـي!
و لكن قبل لا اتكلم ابـــــــــــيكم تحكمـوا يـا اخيـار!


تعالوا و اشهـدوا يانـاس تعالـوا طالـــــعـو فينـي!
تعالوا شاهدوا جسمي غدى ناحل و عقلي طـار!


أنا مانـي تـرى مدمـن ولا ضاعـت ملايينـي!
و ربي يا بشـر حالـي سبايـب وقتـي الغـدّار!


تعالوا و اسمعوا منـي وش أسبـاب الحـزن فينـي!
و شنهي سبة دموعي وش اللـي بدنيتـي أسـرار!


(يتيمٍ) ايه أنـا عايـش يتيـم محـدٍ يراعينــــي؛؛
و لحدٍ عني جاء يسـأل وحيـدٍ جالـسٍ بالـدار؛؛


(يتيـمٍ) مافـي بالعالـم رحـومٍ جـاء يواسينـي؛؛
(يتيمٍ) عايش بحسـره و ضيقـه عيشتـي امـرار؛؛


(يتيمٍ) فـي نهـار العيـد محـد جانـي ينادينـي؛؛
يقول لي خذ حلاو العيد زمانٍ كنا فيـه صغـار؛؛


(يتيمٍ) صـاح يا موتـي رجيتـك رجـوه تجينـي؛؛
يومٍ أستاذي قال بكره يجـون أبائكـم يا صغـار؛؛


شهادتكم تـرى بكـره وأبوكـم لازم يجينـي؛؛
بسلمها أنا بيده و شهـادة شكـر مـع أزهـار؛؛


و جاء بكره و جيت أمشي و لحدٍ ماسـك ايدينـي؛؛
و من أي طالب دخل ماسك بدين أبوه صرت أغـار؛؛


و كنت الأول و لكـن دموعـي كانـت بعــــينـي؛؛
نزل دمعي وسط حفلٍ كبير و حاضرينـه كثـار؛؛


ماقصّر زادها الأستاذ مـا بـارك صـار يعزينـي؛؛
شهاده كانت بيدي أحسهـا جمـرة مـن نـار؛؛


ترى هذا سبب واحد من أسباب الحـزن فينـي!
يكفي يابشـر ولاّ أكمـل و أفشـي الأســـــرار؟


أ بحكي عن سبب ثاني سبـب زاد الحـزن فينـي!
(حبيبٍ) مـت فـي حبـه و لكنّـه طلـــــــــــع غـدّار!


أنا رغم (اليتم) حبيـت عشقـت بكـل مافينـي!!
عشقت و كنت له وافي و إذا اخطأ اجيب أعـذار!


أنا حبيت لي شخـصٍ عشقتـه عشقـي لعينـي؛؛
و هو حبني و أقسم لي بـرب المصحـف الجبّـار؛؛


أنا صدقـت حلفانـه و هقـــــــيت انّه بيغليــــني
و مثل مـانـي أحبـه مـوت تـوقعتـه يـجينـي بـار؛؛


و لـكـن خيّـب ظنونـي توقـــــعتـه بيحميـنـي؛؛
توقعته حبيـبي يـكـون ولـكـن صـار بـي غـدّار؛؛


أثـاري كـان يـتـسلـى و وقـتـه يـضـيـــــعـه فـيـنـي؛؛
و أنا اللي أحّسبه يحبني و أحسبه حاط لـي مقـدار؛؛


قطع في طعنته آخـر عـروق الفرحـة بسنينـي؛؛
و زاد الحزن فـي قلبـي و خلانـي أعيـش بنـــار؛؛


خـدعنـي و نيـّتـه ينهـي حياتـي ودّه ينهيـنـي؛؛
و عجزت اخذ بثاري منه حبيبي كيف اباخذ ثـار!


و مع غـدره و طعناتـه غرامـه ساكـنٍ فينـــي؛؛
و لا ظنّي أنا بنساه لـو أتعالـج بوسـط شهـار؛؛


عرفتوا يـا بـشـر هـالـحيـن ليـه الدمـع فـي عينـي؟!
عذرتـونـي على جسمي عذرتوا عقلي اللـي طـار؟!


بالله يـا بشـر تكفــــــــــــون إذا منكـم يلاقينـي؛؛
لايسألني وش الباقي من اللـي بدنيتـي أسـرار؟!


لأني لو أنـا بحـــــــــكـي جميـع اللـي أنـا فينـي!
يـا ناس عقولكم والله بتلــحق عقلـي اللـي طـار!





وسلامتــكم

شكراا ع القصيدة

شكرا لكي يا عسل